གསར་འཕྲིན།

དབྱར་གནས། ༢༠༢༣

འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རར་བོད་ཟླ་༦་པའི་ཚེས་༡༥ ལ་དབྱར་གནས་ཀྱི་སྟ་གོན་དང་། དེ་རིང་སྔ་དྲོ་ནས་ཟླ་བ་གཅིག་དང་ཕྱེད་རིང་ལ་བཤད་གྲྭའི་དགེ་སློང་ཉི་ཤུ་རྩ་གསུམ་དང་། དགེ་ཚུལ་དྲུག་ཅུ་རེ་དྲུག་ཙམ་གྱིས་དབྱར་གནས་པར་ཁས་བླངས་གནང་སོང་། དབྱར་གནས་པའི་དགོས་པ་དང་ཕན་ཡོན།འདུལ་བ་ལས། ༡༽དབྱར་གནས་མ་བྱས་པའི་ཉེས་པ་ཁེགས་པ་དང་། ༢༽དབྱར་ས་གཞི་ལ་སྲོག་ཆགས་ཕྲ་མོ་མང་དུ་རྒྱུ་བའི་དུས་སུ་འགྲོ་འདུག་མང་པོ་བྱས་ཏེ་སྲོག་ཆགས་ལ་གནོད་པས་སྲོག་ཆགས་ལ་གནོད་པ་སྤོང་བ་དང༌། ༣༽གླེང་གཞི་ལས་འབྱུང་བ་ལྟར་མུ་སྟེགས་ཅན་སོགས་གཞན་མ་དད་པ་དག་གིས་འཕྱ་བ་སྤོང་བ་དང༌། ༤༽དབྱར་ཆར་ཆུ་རྒྱས་པའི་དུས་སུ་རྒྱུ་འགྲུལ་མང་པོ་བྱས་ན་རང་གི་ལུས་སྲོག་ལ་གནོད་པ་འབྱུང་ཉེན་ཆེ་བ་ལུས་སྲོག་ལ་གནོད་པ་སྤོང་བ་དང༌། ༥༽དོན་དང་བྱ་བ་མང་པོ་སྤངས་ནས་དོན་ཉུང་ཞིང་བྱ་བ་ཉུང་ངུས་དབྱར་གནས་པར་བྱ་བ་དང༌། ༧༽དབྱར་གྱི་དུས་སུ་གནས་ཁང་དོར་ཏེ་ཐག་རིང་པོར་ཕྱིན་ན་གནས་ཁང་རལ་བ་དང་གྲུམས་པ་སོགས་ཀྱི་སྒོ་ནས་ཆུད་ཟ་བར་འགྱུར་བས། གནས་རལ་བ་དང་གྲུམས་པ་འཆོས་པར་འགྱུར་པ་དང༌། ༨༽དབྱར་གནས་ལ་བརྟེན་ནས་དགག་དབྱེ་དང་སྲ་བརྐྱང་འབྱུང་བ་སོགས་ཕན་ཡོན་ཤིན་ཏུ་མང་ངོ༌།། • དེ་ཡང་དབྱར་ཁྲིམས་སུ་བྱ་བ་ནི། • དགེ་སྦྱོང་གི་ཆོས་བཞི་ལས་མི་འདའ་བར་བྱ་བ་འདི་དང༌། ཆོས་སྤྱོད་བཅུའི་བྱ་བ་ལ་བརྩོན་པས་བསླབ་པར་བྱ་བ་འདི་དང༌། དབྱར་དགེ་འདུན་གྱི་ནང་དུ་འཁྲུག་ལོང་མི་བསྐྱེད་པར་བྱ་བ་འདི་དང༌། ལྟུང་བ་གླེང་དྲན་མི་བྱ་བ་དང༌། དབྱར་ནང་དུ་ནན་ཏུར་བྱེད་པ་སྤང་བ་དང༌། …

མུ་མཐུད་ཀློགས།

| • ༢༠༢༣ བསླབ་པ་མཐར་སོན་གྱི་མཛད་སྒོ། 

|| • ༢༠༢༣ བསླབ་པ་མཐར་སོན་གྱི་མཛད་སྒོ།  བོད་རྒྱལ་ལོ་ ༢༡༥༠ བོད་ཟླ་ ༢ ཚེས་ ༡༦ གཟའ་སྐར་འཕྲོད་སྦྱོར་དགེ་བའི་ཉིན་མོར་འདི་ག་འཕགས་ཡུལ་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་དུ། ཕྱི་ལོ་ ༢༠༢༢ ལོའི་བཤད་གྲྭའི་བསླབ་པ་མཐར་སོན་པ་རྣམས་ལ་སློབ་ཐོན་པའི་ཕྱག་ཁྱེར་དང་། ཕར་ཕྱིན་རབ་འབྱམས་པ་རྣམས་ལ་ཕར་ཕྱིན་རབ་འབྱམས་པའི་ཕྱག་ཁྱེར། བཤད་གྲྭ་དང་བཤད་གྲྭའི་གཞི་རིམ་སློབ་གྲྭའི་ལོ་སྔོན་མའི་རྒྱུགས་འབྲས་ཨང་རིམ་རྩེར་སོན་རྣམས་ལ་ལེགས་གསོལ་བྱ་དགའ་དང་། སྐབས་གཉིས་པའི་འཛིན་སྐྱོང་ལྷན་ཚོགས་ཀྱི་རྒྱུན་ལས་དང་། ཚོགས་མི་གསར་པ་རྣམས་ལ་ལེགས་དར་འབུལ་རྒྱུ་བཅས་ཀྱི་མཛད་སྒོ་སྟབས་བདེ་ཞིག་ཚོགས་ཡོད། དེའང་སྔ་དྲོའི་ཕྱག་ཚོད་ ༡༠ …

མུ་མཐུད་ཀློགས།

ཀུན་མཁྱེན་པདྨ་དཀར་པོའི་འདས་མཆོད།

ཧོར་ཟླ་བདུན་པའི་ཚེས་བཅོ་ལྔ་ལ་ཀུན་མཁྱེན་རྫོགས་པའི་སངས་རྒྱས་མི་ཕམ་པད་མ་དཀར་པོ་དགོངས་པ་ཆོས་དབྱིངས་སུ་མཉམ་པར་བཞག་པའི་རྗེས་དྲན་གྱི་ཚུལ་དུ། དེ་རིང་ཁམས་སྒར་འབྲུག་མཐོ་སློབ་དྷརྨ་ཀཱ་རའི་མཁན་སློབ་དང་། བཙུན་དགོན་དོན་བརྒྱུད་དགའ་ཚལ་གླིང་གི་མཁན་སློབ་མཉམ་བཞུགས་འོག་སྔ་དྲོའི་ཆར་གཞུང་ཆེན་ལྔའི་བགྲོ་གླེང་དང་། ཕྱི་དྲོའི་ཆར་དམ་བཅའ་ཆེན་མོ་ཚོགས་པའི་པར་བརྙན།

མུ་མཐུད་ཀློགས།
Show Buttons
Hide Buttons