གསར་འཕྲིན།

བསླབ་པ་མཐར་སོན་གྱི་མཛད་སྒོ་ལེགས་གྲུབ་བྱུང་བ།

བོད་རྒྱལ་ལོ་ ༢༡༤༨ ཕྱི་ལོ་ ༢༠༢༡ ཕྱི་ཟླ་ ༠༤ ཕྱི་ཚེས་ ༡༤ ཉིན་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་ཁང་དུ། ངེས་པ་དོན་གྱི་སུམ་ལྡན་རྡོ་རྗེ་འཛིན་པ་ཆེན་པོ་རྟོགས་ལྡན་ཆོས་ཀྱི་བློ་གྲོས་མཆོག་དབུ་བཞུགས་ཐོག་འདི་ག་མཐོ་སློབ་ནས། སློབ་ཐོན་པའི་ཕྱག་ཁྱེར་དང་། ཕར་ཕྱིན་རབ་འབྱམས་པའི་ཕྱག་ཁྱེར། ལོ་འཁོར་རྒྱུགས་སྤྲོད་རྩེར་སོན་རྣམས་ལ་གཟིགས་བཟོས་གསོལ་རས་གནང་བ་བཅས་ཀྱི་མཛད་སྒོ་སྟབས་གཅིག་ཏུ་བསྐྱངས་ཡོད། དེ་ཡང་སྔར་ལོ་ནས་མཆེད་པའི་ཏོག་དབྱིབས་གཉན་རིམས་མུ་མཐུད་ཁྱབ་བརྡལ་འགྲོ་བཞིན་པར་རྟེན། འདི་ག་མཐོ་སློབ་ཁང་གི་བསྟན་པའི་བདག་པོ། ༧དཔལ་རྒྱལ་བ་མདོ་ཁམས་པ་ངེས་དོན་བཤད་སྒྲུབ་ཉི་མ་མཆོག་ཕེབས་གྲུབ་མེད་ནའང་། སུམ་ལྡན་རྡོ་རྗེ་འཛིན་པ་རྟོགས་ལྡན་ཆོས་ཀྱི་བློ་གྲོས་མཆོག་ཆེད་ཕེབས་དང་འབྲེལ། གྲྭ་ཚང་གི་ལས་སྣེ་ཁག་དང་། གཞིས་ལས་ཁང་གི་དྲུང་ཆེ་གཙོས་པའི་རྒྱུན་ལས་རྣམ་པ། འདི་ག་བཤད་གྲྭའི་མཁན་སློབ་དགེ་འདུན་པ་རྣམས་ཚོགས་འཛོམས་གནང་སྟེ། …

མུ་མཐུད་ཀློགས།

ཕྱི་ལོ་ ༢༠༢༡ ལོའི་སློབ་གླིང་འགོ་འཛུགས་གནང་བ།

ཕྱི་ལོ་ ༢༠༢༡ བོད་རྒྱལ་ལོ་ ༢༡༤༨ རབ་གནས་ལྕགས་གླང་ལོའི་བོད་ཟླ་དང་པོའི་ཚེས་ ༡༨ ཉིན་མོ་འཕགས་ཡུལ་བྱང་ཕྱོགས་བཀྲ་ཤིས་ལྗོངས་ཁམས་སྒར་འབྲུག་མཐོ་སློབ་དྷརྨ་ཀཱ་རའི་ལོ་མཇུག་གི་གུང་སེང་རྫོགས་ཏེ། ལོ་སྔོན་མའི་གུང་སེང་ནས་ཕེབས་མ་ཐུབ་པའི་དགེ་སློབ་རྣམས་ཀྱང་ལོ་འདིར་ཕེབས་ཐུབ་པ་བྱུང་ཡོད། འདི་ལོའི་ཆོས་ཁྲིམས་སོགས་ལས་སྣེ་ཁག་དང་། མཐོ་སློབ་འདི་དང་མཐོ་སློབ་འདིའི་གཞི་རིམ་སློབ་གྲྭ། གྲྭ་ཚང་གི་སློབ་གྲྭ། འབྲེལ་ཡོད་དགོན་སྡེ་ཁག་ཏུ་དཔེ་ཁྲིད་གནང་མཁན་སོགས་གཏན་ཁེལ་བཀོད་སྒྲིག་ཞུས། བོད་ཚེས་ ༢༠ ཉིན་དྭགས་བརྒྱུད་སྙིང་པོ་དོན་བརྒྱུད་དཔལ་ལྡན་འབྲུག་པའི་བསྟན་པའི་སྲོག་ཤིང་ཆེན་པོ། གདན་ས་ཁམས་པ་སྒར་དགོན་མ་ལག་དང་བཅས་པའི་བསྟན་བདག་ ༧ དཔལ་རྒྱལ་བ་མདོ་ཁམས་དགུ་པ་ངེས་དོན་བཤད་སྒྲུབ་ཉི་མ་མཆོག་གིས་དབུས། བསྟན་འཛིན་གྱི་སྐྱེས་བུ་རྣམས་ཀྱི་སྐུ་ཚེ་བརྟན་ཅིང་མཛད་འཕྲིན་རྒྱས་པ་དང་། འདི་ག་མཐོ་སློབ་ཁང་དང་། …

མུ་མཐུད་ཀློགས།

ལོ་འཁོར་གྱི་ཡིག་རྒྱུགས་བཏང་བ།

བོད་རྒྱལ་ལོ་ ༢༡༤༧ ལོའི་བོད་ཟླ་ ༡༠ པའི་ཚེས་ ༡༣ དང་། སྤྱི་ལོ་2020 སྤྱི་ཟླ་ 11 སྤྱི་ཚེས་ 27 ཉིན་འདི་ག་འཕགས་ཡུལ་ཁམས་སྒར་འབྲུག་མཐོ་སློབ་དྷརྨ་ཀཱ་རའི་གཙུག་ལག་སློབ་གཉེར་ཁང་གི་ལོ་མཇུག་གི་ཡིག་རྒྱུགས་ལ་ཁེལ་བས། འདི་ལོ་འཛིན་གྲྭ་འཚོགས་ཐུབ་པ་ཁག་གི་ཟུར་སྦྱོང་ཐུན་མོང་རིག་གནས་དང་། དབྱིན་ཡིག། གཞུང་ཆེན་ཁག་གི་རྩ་བ་བློ་འཛིན་བཅས་ཉེར་སྔོན་རྒྱུགས་སྤྲད་ཟིན་ཅིང་། དེ་རིང་དངོས་གཞིའི་གཞུང་ཆེན་སོ་སོའི་ལོ་མཇུག་གི་བྲིས་རྒྱུགས་ལེགས་པར་གྲུབ་ཏེ། སང་ཉིན་ནས་བཟུང་ཉིན་གསུམ་གྱི་རིང་དགེ་སློབ་རྣམ་པ་སློབ་གསེང་གནང་རྒྱུ་དང་། དེ་ནས་ཟླ་བ་གཅིག་གི་རིང་འཛིན་གྲྭ་གོང་འོག་མཉམ་སྤུངས་ཀྱིས་ཀུན་མཁྱེན་ཆེན་པོ་མི་ཕམ་པདྨ་དཀར་པོའི་ཚད་གཞུང་ཁག་དང་རིགས་ལམ་བཅས་པར་ཆེད་སྦྱོང་དང་། རྩོད་རྒྱུགས་ལེགས་པར་གྲུབ་མཐར་ལོ་འདིའི་སློབ་མཚམས་འཇོག་འཆར་ལགས་སོ། …

མུ་མཐུད་ཀློགས།

མཁན་པོ་ཁག




མཁན་པོ་བློ་གསལ་བཟང་པོ།
མཁན་པོ་ཆོས་དབྱིངས་ལྷུན་འགྲུབ།
མཁན་པོ་བྱམས་པ་ཡོན་ཏན།
Show Buttons
Hide Buttons